ભારતે બનાવ્યો વિશ્વ રેકોર્ડ, ઓગષ્ટ મહિનામાં કોરોના કેસ સામે આવ્યા આટલા લાખ…

0

ભારતમાં કોરોનાના લગભગ 2 મિલિયન કેસ ઓગસ્ટ મહિનામાં નોંધાયા છે. વિશ્વના કોઈપણ દેશમાં ઓગસ્ટ મહિના દરમિયાન નોંધાયેલા આ સૌથી વધુ કેસ છે. દેશમાં પણ કોરોનાથી થતા મૃત્યુમાં વધારો જોવા મળ્યો છે. ઓગસ્ટમાં 28,859 દર્દીઓનાં મોત થયાં છે. આ સંખ્યા પાછલા મહિના કરતા 50 ટકા વધારે છે.રાજ્ય સરકારોના આંકડા મુજબ, ભારતમાં ઓગસ્ટ મહિનામાં 19,87,705 કેસ નોંધાયા છે.

આ મહિનામાં કોઈ પણ દેશમાં નોંધાયેલા મહત્તમ કેસો છે. આ સંખ્યા જુલાઈમાં યુ.એસમાં નોંધાયેલા મહત્તમ કેસો (19,04,462) કરતા વધારે છે. જોકે, યુએસ અને બ્રાઝિલમાં ભારત કરતા વધુ કોરોનાને કારણે લોકોએ જીવ ગુમાવ્યો હતો.30 ઓગસ્ટ સુધીમાં યુનાઇટેડ સ્ટેટ્સમાં ચેપને કારણે 31 હજાર લોકો મૃત્યુ પામ્યા હતા. બ્રાઝિલમાં વાયરસને કારણે 29,565 લોકોનાં મોત થયાં છે.

ભારતમાં ઓગસ્ટ દરમિયાન ચેપમાં થયેલા મોટા વધારાનો અંદાજ એ હકીકત પરથી લગાવી શકાય છે કે ગયા મહિને રોગચાળો ફાટી નીકળ્યા બાદ નોંધાયેલા 54 ટકા જેટલા કેસો નોંધાયા છે.ભારતમાં કોરોના કેસની કુલ સંખ્યા 36.8 લાખ થઇ ગઈ છે. આમાંથી 28.3 લાખ દર્દીઓ સાજા થયા છે જ્યારે દેશમાં હાલ લગભગ 7.9 લાખ એક્ટીવ કેસ છે. એક્ટીવ કેસોમાં સૌપ્રથમ 25.6 લાખ કેસ સાથે યુનાઇટેડ સ્ટેટ્સ છે.

ભારતમાં અત્યાર સુધીમાં વાયરસથી 65,373 લોકો માર્યા ગયા છે.જયારે અમેરિકામાં 1.87 લોકો અને બ્રાઝિલમાં 1.2 લાખ લોકોના મોત થયા છે. મંગળવારે કોરોના ચેપના કેસમાં થોડો ઘટાડો થયો હતો. આ પહેલા સોમવારે પણ કોરોનાના 78 હજારથી વધુ કેસ નોંધાયા હતા. મંગળવારે એક દિવસમાં 69,921 નવા કેસ નોંધાયા હતા. સારી વાત એ છે કે ચેપમાંથી સાજા થનારા લોકોની સંખ્યા 28 લાખને વટાવી ગઈ છે અને કોરોના તપાસમાં વધારો થયો છે.

Share.

About Author

Leave A Reply